Gumuhong pader ng City hall, 1 Tigok 2 sugatan

Dead on arrival sa pagamutan ang isang 22-anyos  na construction worker habang dalawa pa ang sugatan matapos gumuho ang pader sa ginagawang elevator sa loob ng construction site ng Quezon City Hall.

Ayon kay Quezon City Police District (QCPD), Director PBGen. Nicolas Torre III, may ginagawang scenic elevator sa Civic Center B Building sa Quezon City Hall compound nang gumuho ang pader sa ginagawang elevator.

Sa hindi inaasahang pangyayari ay biglang gumuho ang isang pader at nabagsakan ang mga biktima na ikinasawi ng 22-an­yos na lalaki na nagtamo ng matinding pinsala sa ulo at katawan habang dalawa pa ang nagtamo ng sugat at pasa sa katawan.

Agad namang pinaiimbestigahan ng Engineering Department ang naganap  na pangyayari kung may  pagkukulang ang kontraktor sa ginagawang construction site.

About Author

Jayson Cuya

See author's posts