PURDOY (Broke) na nga ba si Ai-Ai delas Alas?
Ito ang nagsi-circulate sa showbiz circles. Pero ayon sa isang showbiz reporter, hindi purdoy si Ai,
talagang masipag lang raw siya.
Si Ai ay nagtatrabaho sa elderly facility sa San Francisco, California bilang activity director at hindi
caregiver. Kapag Sabado’t Linggo nagpe-perform siya sa mga show doon at maging sa ibang States.
Nakabase na ngayon sa Amerika ang Kapuso star pero kapag kinakailangan, umuuwi siya sa Pilipinas para gampanan ang kanyang showbiz commitments.
Sa isang online interview sa kanya sa Unang Hirit ng GMA7 noong Hulyo 11, sinabi ni Ai na may
Filipino staff members din at iba’t ibang lahi ang mga nurse sa kanyang pinapasukan.
Bilang activity director, ang komendyante raw ang may responsibilidad ang mag-isip at mag-execute ng mga aktibidad para sa seniors na nasa pasilidad.
“Nag-e-enjoy talaga ako. Siyempre, iba yung fulfillment ng naglilingkod ka sa ating mga elders,”
pagwawakas ni Ai.
