NAGLUNSAD ang tipid-pasahe na carrier, AirAsia Philippines, ng tatlong flights kada linggo sa Narita, Japan mula sa Mactan-Cebu International Airport (MCIA), bilang bahagi ng inesyatibo nito na palakasin ang presensya nito sa Northeast Asia.
Ito ay magbubukas-daan para sa mga maliliit na negosyante na makabiyahe sa NE Asia sa murang halaga.
Ika-apat ang Narita sa mga destinasyon ng AirAsia mula sa MCIA, bukod pa sa tatlong flights kada
linggo sa Kuala Lumpur, Malaysia at Seoul, Korea, at apat na beses sa Taipei.
Mapapabilis ang visa application sa South Korea dahil sa e-Group visa applications para sa regular na turista.
Magmula noong Hunyo 27, ang grupong may tatlong miyembro na lilipad sa South Korea ay
pwedeng mag-apply ng visa online sa pamamagitan ng accredited travel agencies.
