KRITIKAL ang kalagayan sa kasalukuyan ng isang babaeng estudyante ng Rizal High School matapos itong mabangga ng humaharorot na motorsiklo habang tumatawid ito sa Dr. Sixto Antonio Avenue malapit sa BDO at Meralco dakong alas-7 ngayong umaga.
Kinilala ang biktima na si Angel Montano, 16-na taong gulang at isang senior high school student ng nasabing paaralan na residente ng Brgy. San Nicolas.
Napag-alaman na ang nakabanggang motorsiklo ay minamaneho ni Jericho Sy, 54 anyos at ang dalawang sakay nito ay kinilalang sina Christopher Jhongoy, 19 na taong gulang at Cassandra Sy, 15 taong gulang na mga residente ng Barangay Bambang.
Kaagad na kinordon ng mga miyembro ng Bantay Pasig ang pinangyarihan ng aksidente at inayos ang daloy ng trapiko at mga nakikiusyusong mga tao.
Matapos lapatan ng paunang lunas ng mga medic ng Metro Pasig Medical, dinala ang 4 na pawang mga sugatan sa Pasig City General Hospital (PCGH).
With additional reports from Robin Quinto
Related Posts:
About Author
