Inter-Agency IRR para sa Seniors, PWDs kailangan

SINABI nitong Pebrero 1 ni Bagong Henerasyon Party-list Rep. Bernadette Herrera na
kailangang ang paglikha ng memorandum circular para mapahusay ang pagpapatupad
ng Republic Act (RA) No. 9994.

Mapapahusay pa raw ang pagpapatupad ng RA 9994 o ang “Expanded Senior Citizens
Act of 2010” at RA 10754 o an “Act Expanding the Benefits and Privileges of PWDs” sa
pamamagitan nang paglikha at pagpapatupad ng combined IRR o implementing rules
and regulations tungkol dito.

Matutugunan daw ang maraming isyu tungkol sa pagpapatupad ng naturang mga
batas sa joint-inter-agency IRR ng Bureau of Internal Revenue, Department of Trade
and Industry, Department of Social Welfare and Development, Land Transportation
Franchising and Regulatory Board, at iba pang ahensya ng gobyerno.

“Many of the suggestions presented during the joint House hearings on the availment
of discounts for PWDs, seniors, and solo parents do not need new legislation… I
appeal to President Ferdinand Marcos Jr. to direct these agencies to resolve the
administrative issues among themselves,” ani Herrera.

Ginawa ni Herrera ang apela sa harap ng dumaraming mga reklamo sa mga
establisyemento na hindi nagbibigay ng discounts sa seniors, PWDs, at single parents.

Matatandaan na kamakailan, ipinatawag sa Kongreso ang pamunuan ng StarBucks
Café dahil sa post nito sa mga pintuan ng resto na ang seniors at PWD discounts ay
para lamang sa isang order ng kape o drink at isang sandwich. Nag-sorry ang
StarBucks at inalis na ang nakapaskel, pero nagawa na ang perhuwisyo sa maraming
seniors at PWDs.

Sinabi ng isang netizen na hindi tanga ang pamunuan ng Starbucks para sabihin nito na
mali lamang ang pagkakasulat sa post nito; nagpapalusot lang daw ito.

About Author

Lino Soriano

See author's posts