Hindi na raw sila makapaghintay sa 2024!
Ito ang komento ng ilang fans nang nabalitaang nagpakasal na si Angelica Panganiban sa
kanyang partner na si Gregg Homan, nitong Disyembre 31, sa Los Angeles, California.
Si Gregg ang ama ng kanilang anak na si Baby Bean o Amila Sabine Homan na isinilang
noong Setyembre 20, 2022.
Sa post ni Angelica sa social media, kasama ang ilang pictures, “123123 [December 31,
2023], patuloy na mananalig at maniniwala sa pag-ibig. Sa kabila ng lahat. Ang
pagmamahal pa rin ang kakapitan. Maligayang bagong taon – Mrs Angelica Panganiban
Homan.”
Present din sina Bela Padilla at Kim Chiu, best friends ng aktres sa napakahalagang
okasyon.
Ayon kay Bela, sa kanyang Instagram account, “The drought is over (emoji heart).
Congratulations, Mr. and Mrs. Homan. The best day ever!”
Maraming kaibigan ni Angelica sa loob at labas ng showbiz ang bumati sa kanilang kasal.
Inaasahan naman ng maraming fans na sana gumaling na si Angelica sa sakit nito sa hips
na Avascular Necrosis, isang sakit na sanhi ng kakulangan nang pagdaloy ng dugo sa
buto, na maaaring humantong sa tuluyang pagkalumpo.
