kulungan ang bagsak ng isang lalaki na wanted sa kasong pangagahasa matapos madakip sa inilunsad na manhunt operationsa Valenzuela City, kamakalawa ng hapon.
Kinilala ni Valenzuela police chief P/Col. Salvador Destura Jr, ang naarestong akusado sa alyas “James”, 26-anyos, residente ng Brgy. Canumay West ng lungsod.
Sa ulat ni Col. Destura kay Northern Police District (NPD) Director P/BGen. Rizalito Gapas, naglunsad ang mga tauhan ng Valenzuela Police Warrant and Subpoena Section (WSS) sa pangunguna ni P/Lt. Ronald Bautista ng intensified manhunt operation kontra sa wanted persons na nagresulta sa pagkakadakip sa akusado bandang 1:30 ng hapon sa 60 Kaypandan Street, Barangay Canumay West.
Ang akusado ay inaresto sa bisa ng warrant of arrest na inisyu ni Acting Presiding Judge Mateo B. Altarejos ng Regional Trial Court, Branch 172, Valenzuela City noong October 12, 2023, para sa kasong Rape under Art. 266-A (1)(D) of the RPC, as amended by R.A. 11648 in rel. to Sec. 5(B) of R.A. 7610 – Child Abuse Law.
Pansamantalang nakakulong ang akusado sa Costudial Facility Unit ng Valenzuela CPS habang hinihintay ang pagpapalabs ng commitment order mula sa korte.
Related Posts:
About Author
