ANG Sanghiyang ay isang popular na sayaw noong panahon ng Kastila sa mga bayan ng
Indang at Alfonso, Cavite. Ito ay pinaghalong lokal na relihiyon, magic, at Katolisismo. Ito
ay isang pasasalamat at pagsusumamo para gumaling ang maysakit.
Bago pa dumating ang mga Kastila, nagkaroon na noon ng Sanghiyang na ritwal sa Naic,
Cavite, bilang pag-aalay kay Bathala, para pasalamatan siya sa masaganang ani, sa
paggaling ng maysakit, at pagkaligtas sa kamatayan.
Kinalaunan, ipinagbawal ito ng mga klerong Kastila at sinabing ito ay “alay sa Demonyo”.
Maraming residente ng Naic na tutol sa pagbabawal ang lumipat sa Indang, pero dahil sa
Kristiyanisno, hindi naging katanggap-tanggap ang practice na Sanghiyang. Lumipat sila
sa Alas-A (ngayo’y Alfonso). Hinuli ng mga Kastila ang mga sumasayaw nito at
pinarusahan.
Kahit nakalipas na ang maraming siglo, patuloy pa ring ginagawa ang ritwal na ito
hanggang sa ating panahon.
