IPINANUKALA n Akbayan Party-list Rep. Chel Diokno na itaas ang buwis sa sin products, bilang kapalit ng dalawang porsyentong mababawas sa value-added tax (VAT) sa mga pangunahing bilihin lalo na sa pagkain.
Ang panukala ay bunsod ng isinusulong ng kanilang grupo na ibaba sa 10% mula sa kasalukuyang 12% ang VAT sa mga pangunahing bilihin upang bumaba ang presyo at direktang mapakinabangan ng lahat ng mamamayan.
Ayon kay Diokno, kayang ibaba ang value added tax (VAT) mula 12% hanggang 10% nang hindi pinapabayaan ang serbisyo publiko ng gobyerno sa halip buwisan ng mas mataas ang mga pangunahing pangangailangan.
Kabilang sa target taasan ng buwis ay ang mga bisyo tulad ng sugal, sigarilyo, alak at iba pa.
Mungkahi rin nito na dagdagan ang buwis ng mga mayayaman sa pamamagitan ng pagpapataw ng wealth tax upang hindi ang pinakamahirap at middle class ang tatamaan ng krisis dahil sa mataas na presyo ng produktong petrolyo at habulin ang perang ninakaw ng mga mayayaman mula sa kurapsyon. (FELIX TAMBONGCO)
