Iginiit ni Senador Joseph Victor Ejercito na nararapat na pag aralan muna ng kongreso kung legal ang panukala na muling ipagpaliban ang Barangay at Sanggunian Kabataan elections
Ayon kay Senador Ejercito, bagam at nasa kapangyarihan ng Kongreso ang suspensyon ng election pero mahalaga na suriin muna nila kung pasok ang krisis sa langis sa itinakdang guidelines ng korte suprema pagdating sa pagpapaliban ng halalan
Kinuwestyun ni Ejercito, na pang ilan na itong suspensyon ng Brgy at SK elections na nakatakda sana sa November 2
Giit ng senador , marami sa ating mga kababayan ang gusto nang makapili ng susunod nilang barangay officials
Baka din anya may mga kabataan ang mapagkakaitan ng oportunidad na makapaglingkod at lampas na sa “productive years”.
Sayang anya kung malampasan o’ mapagkaitang maglingkod dahil sa panibagong suspension ng barangay at SK elections ang mga posibleng maging mahusay na lider ng Sangguniang Kabataan. (AR BERNARDO)
