OPISYAL nang inihayag ng Philippine Atmospheric, Geophysical and Astronomical Services Administration (PAGASA) ngayong Sabado ng umaga, ang pagsisimula ng Southwest Monsoon o Habagat sa bansa.
Ang Habagat, ayon sa PAGASA, ay simula na ng maulang panahon na karaniwang nararansan ng bansa mula sa buwan ng Hunyo.
“Dahil sa Habagat, asahan na ang manaka-naka hanggang sa madalas na pag-ulan at kulog partikular na sa kanluraning bahagi ng bansa,” ang pahayag ng ahensya.
“Gayunman, hindi naman ibig sabihin na walang humpay ang mga pag-ulan dahil may mga panahon na matagal uli ang pag-ulan kaya ang tawag dito ay ‘monsoon break,’” dagdag pa ng PAGASA.
Kasabay nito, inaabisuhan na ng ahensya ang publiko lakip na ang iba pang concerned agencies na gumawa na ng mga paghahanda upang mapigilan ang mga malulubhang epekto ng “Habagat” at iba pang mga pagbabago sa klima.
