ITO ang tinuran ng dating associate justice ng Korte Suprema na si Adolfo Azcuna kaugnay sa isinasagawang ‘evidentiary inquiry’ ng Committee on Justice ng Mababang Kapulungan ng Kongreso.
Sa panayam ng Bilyonaryo News Channel, sinabi ni Azcuna, na ang mga ginagawang pagdinig sa komite ng Kamara ay nagiging “entertainment” na kapalit ng mga teleserye sa telibisyon.
“OK lang ang publisidad sa pagdinig ng Senado, pero ang mga committee hearings ay dapat low-key lang. Sa tingin ko mas dapat abangan ng mga tao ang gagawing pagdinig sa Senado,” ang pahayag ni Azcuna.
Lumalabas, ayon pa sa dating mahistrado, na nais ng Kongreso na “i-improve” pa ang mga ebidensya na isusumite ng mga complainant.
“Sa tingin ko, may punto [ang kampo ni VP Sara] kasi lumalabas na galing sa komite ang mga ebidensya at hindi galing sa mga complainants,” susog pa ni Azcuna.
Dagdag pa ni Azcuna: “Pag-aralan nila ang mga ebidensya na isinumite ng mga complainants, hindi yong gusto pa nilang i-improve ang mga ebidensya. Kung gagawin nila ‘yon, fisihing expedition na ang tawag dun.”
