MATAPOS makiusap ang Palasyo, isusumite na ni Baguio City Mayor Benjamin Magalong ang umano’y hawak nitong mga dokumento na naglalaman ng mga impormasyon kaugnay sa mga alegasyon ng korapsyon sa mga flood control projects.
“Nagsalita na si [Atty. Claire Castro ng PCO] na sinabi na puwede akong makipag-ugnayan sa presidente anumang oras. Inaayos lang namin yung mga dokumento para yung maitu-turn over,” sabi ni Magalong.
Ayon sa alkalde, may impormasyon siya na umaabot sa 40% ang natatanggap ng mga “congtractors” sa mga flood control projects na nagsisilbing kickback ng mga ito.
Kaya ayon kay Magalong, dahil sa nangyayaring korapsyon sag a nasabing proyekto 30% na lang ang natitira sa budget ng proyekto kaya bagsak ang kalidad ng mga flood control system.
Sumang-ayon din ang alkalde sa sinabi ni House Majority Leader Sandro Marcos na hindi dapat mga congressman ang magsasagawa ng imbestigasyon sa nasabing kontrobersya dahil marami ang sangkot sa mga nasabing proyekto.
Idinagdag pa ni Magalong na mas mainam aniya na third par yang dapat manguna sa gagawing imbestigasyon at interesado rin umano siya na pangunahan ito.
“Yes, kasi nga nag-volunteer ako, ‘di ba. Kaya lang, alam mo ang intensyon ko doon at nais kong idiin na dapat third party ang mag-imbestiga, independent body dapat,” sambit pa ng Baguio City mayor.
