KINUMPIRMA ni Pasig City Mayor Vico Sotto na aprubado na ang site development plan para sa konstruksyon ng Nagpayong Civic Complex na itatayo sa 2.6 ektaryang lupain na binili ng lokal na pamahalaan.
“Medyo naantala lang tayo ng kaunti dahil sa ilang mga isyu, lalo na sa right of way. Mayroon pa ngang mga sindikato na gumawa ng gulo dahil nangungolekta sila ng iba’t ibang bayarin para maging miyembro nila,” ang pahayag ni Sotto.
Ilan pa sa mga itatayo sa nasabing civic complex ay ang Nagpayong Primary Care Center, isang 16-bed infirmary na dinesenyo bilang isang mini-hospital.
“OK na rin sa Department of Health at mayroon na tayong permit para sa konstruksyon matapos magsagawa ng soil testing sa area ang ating city engineering office,” dagdag pa ng alkalde.
Itatayo rin sa nasabing complex ang isang 12-palapag na gusali ng pampublikong paaralan na pinondohan ng pamahalaang nasyunal.
Ang pangalawang school building ay nakalatag na rin ngunit itatayo lang ito kapag nakumpleto na ang naunang dalawang mga isturktura.
“Balak din ng local na pamahalaan na magtayo ng isa pang school building pero kailangan munang matapos ang naunang dalawang gusali,” ang pahayag ni Sotto.
Maliban sa nabanggit na mga gusali, nasa plano na rin ang pagtatayo ng isang police substation.
Ang nasabing pampublikong imprastraktura ay kinabibilangan ng DepEd school compound na may apat na gusali, healthcare facility, police substation, fire substation, multi-purpose hall.
May espayo rin na ilalaan para sa pampublikong parke, evacuation area at City Social Welfare and Development Office (CSWDO) compound kung saan kabilang dito ang extension ng Bahay Kanlungan.
Related Posts:
‘Hotmeals on Wheels’ ng Red Cross umarangkada sa Laguna
Kelot tumalon sa LRT-1, putol ang binti
Taas-presyo sa LPG, epektibo na
‘Super health centers’, paramihin – sen. Go
9 na ‘NPA’, patay matapos maka-engkuwentro ng militar sa Bukidnon
FPJ Ave. station sa LRT-1 bukas na
Krisis sa tubig sa NCR, iba pang lugar
Bawas-pensyon ng MUP, dapat sa mga bago lang – Jinggoy
About Author
