MATAPOS ang sampung taon na pagtatago, natuntun din ang isang suspek sa pagpatay sa kaniyang manugang at inaresto ng mga awtoridad nitong Marso 9, 2025 dakong alas-2:30 ng hapon sa tinitirhan nito sa Brgy. San Isidro, Taytay, Rizal.
Kinilala ni PCol. Villamor Tuliao, district director ng Eastern Police District (EPD), ang suspek na si alyas “GLS,” 56 na taong gulang at tubong Cataingan, Masbate.
Ayon sa imbestigasyon, naganap ang krimen noong Agosto 15, 2015 habang nag-iinuman ang mag-biyenan at nalasing hanggang sa nauwi sa isang pagtatalo.
Ilang sandali pa ay nagkainitan na ang dalawa na humantong sa pagkakasaksak hanggang sa mapatay ng suspek ang kaniyang manugang at tumakas at nagtago na.
Noong Disyembre 20, 2016 ay inilabas ng Regional Trial Court (RTC) Branch 49 ng Cataingan, Masbate ang warrant of arrest laban sa suspek sa kasong murder.
Batay sa intelligence report, namataan ang suspek sa Pasig-Taytay area kaya agad na nakipag-ugnayan ang Cataingan Municipal Police Station, Masbate Police Provincial Office sa Counterintelligence and Security Section at District Intelligence Division ng EPD.
Sa ikinasang manhunt operation, natunton ang pinagtataguan ng suspek at nasakote, na ayon kay Tuliao, ay “resulta ng mahusay na koordinasyon sa pagitan ng intelligence community upang mapanagot ang mga nagkasala laban sa batas.”
Pansamantalang nakapiit ngayon ang suspek sa custodial facility ng Pasig City Police Station habang hinihintay ang commitment order mula sa korteng may hawak ng kaso.
Related Posts:
Driver laglag sa estafa
6 magkakasabwat sa droga, nalambat sa Cainta
Tulak na ala-palos nalambat sa P632-K shabu sa Antipolo
2 kulong sa ₱68-K droga sa Valenzuela
Gobernador ng Masbate, 11 iba pa, kinasuhan sa Ombudsman
Ilang driver sa Binangonan ‘di nakiisa sa transport strike
Mga mag-aaral sa Junior High nangunguna sa datus kapuwa ng mga nagtangka at nagpakamatay
BI, Pulisya, binatikos ni Tulfo kaugnay ng POGO raid
About Author
