NAGING emosyonal ang OPM artist na si Kyla Alvarez sa isang interview sa episode ng “Magandang Buhay” nitong Peb. 21.
Ito ay matapos niyang sabihing nakatanggap siya ng isang video nang pagbati sa kanyang anak na si Toby, kahit na noong nakaraang buwan pa ang 43rd birthday niya.
Napaluha si Kyla at sinabing si Toby ang pinaka-prayoridad niya sa kanyang buhay.
Nag-iisang anak lamang ang 10-anyos na si Toby, sa kanyang mister na si Rich Alvarez, isang basketball player.
“Kapag anak na ang pinag-usapan, talagang parang walang ibang importanteng bagay o mas iimportante more than Toby… I’ll forget everything, iiwan ko ang lahat para sa kanya. We just feel so lucky and blessed that we have you, anak. You are an amazing kid.” ani Kyla.
Sa malungkot na tinig, sinabi ni Kyla na hindi na niya mabibigyan pa ng kapatid si Toby.
Matatandaang limang ulit nang nakunan sa kanyang ipinagbuntis si Kyla, at malabo na siyang magka-anak muli.
“And, whether or not magkakaroon ka ng sibling or ano — sorry, but we could not give it to you… We will be here for you to guide you and love you, and just cherish every moment with you anak; I love you so much!” ani Kyla.
