NASAKOTE ng Pasig City Police Station ang kinikilalang Top 7 Most Wanted Person matapos ang ikinasang intensified manhunt operation, kamakalawa sa Barangay Rosario.
Sa report na nakalap mula sa tanggapan ni Pasig Police Chief PCol. Celerino Sacro, Jr., nakilala ang suspek na si alyas “Jose”, 55-anyos, residente ng Brgy. Rosario, Pasig City.
Inaresto ang suspek sa kahabaan ng Bernal Street cor. Dr. Sixto Avenue, Barangay Rosario, Pasig bandang 9:40 ng umaga matapos ihain ang warrant of arrest ng mga tauhan ng Pasig CPS Follow-Up Section, Warrant and Subpoena Section sa ikinasang manhunt operation.
Mula sa warrant of arrest na inisyu ni Hon. Annielyn Medes-Cabeles, Presiding Judge ng Regional Trial Court Branch 167, Pasig City sa kasong paglabag sa R.A. No. 9165 o Comprehensive Dangerous Drugs Act of 2002 na may petsang March 03, 2021 at nilatagan ng bail na P200,000.00.
Kasalukuyang nakakulong ang suspek sa Pasig custodial facility habang inihahanda ang pagdinig sa kaso.
Related Posts:
About Author
