Nasungkit ng isang mananaya ang jackpot prize na ₱7,083,788.60 sa Lotto 6/42 na binola noong Martes.
Ayon sa Philippine Charity Sweepstakes Office (PCSO), tinamaan ng mananayang bumili ng ticket sa lotto outlet sa Quirino Highway, Novaliches, Quezon City ang winning combination numbers na 19-3-11-23-13-17.
Nasa 57 players naman ang wagi ng ₱24,000 para sa second prize, habang 2,092 ang nanalo ng ₱800 at 27,406 mananaya naman ang nanalo ng palit taya o ₱20.
Samantala, wala namang nakakuha sa draw ng Ultra Lotto 6/58 na may premyong pumalo na sa ₱122,079,299.20 at draw ng Super Lotto 6/49 na mayroong ₱58,017,957 na jackpot prize.
