DAHIL sa umiinit na istorya sa social media tungkol sa diumano’y relasyon ng aktres na
si Ivana Alawi, 27-anyos at Bacolod City Mayor Albee Benitez, 57-anyos, naglabas siya
ng opisyal na pahayag sa kanyang Fb page.
Ito ay dahil sa nag-viral na video ni Ivana (aka Mariam Sayed Sameer Marbella Al-Alawi) sa airport na pasakay daw sa eroplano pa-Japan, katabi daw si Mayor Albee sa pila. Pero hindi tiniyak ng ilang netizens na ang mayor nga ito, dahil sa suot na face mask.
Ayon sa official Facebook account ni Ivana na nai-post nitong Peb. 10 at lumabas sa
Pep.ph website:
“I tried to stay quiet at dumedma na lang dahil sa paniniwala ko na hindi ako dapat
magsalita lalo kapag alam ko na wala akong ginagawang masama.”
Napuwersa raw siyang mag-open up dahil pati na ang mga mahal niya sa buhay ay
nadadamay sa kontrobersiya, na lalong pinalalaki ng ilang netizens.
“But because of the false accusations and hurtful words that are being thrown to my
Mom and Mona, kinailangan ko nang linawin ang mga bagay…This will be the first and
last time na magsasalita ako tungkol dito.
Sa aktuwal na Fb post ng aktres, “HINDI PO AKO ANG NASASABING girlfriend ni Mayor
Albee Benitez. I met him when I had work in Bacolod. He was very accommodating
and friendly. At hindi lang siya ang politikong nakilala ko at naging kaibigan.”
Nilinaw ni Ivana, “I am currently seeing someone who makes me happy. All I can say is
that he is a respectable businessman and not a politician.”
Sana raw ay malinis ng rebelasyong ito ang kanyang pangalan para matigil na ang lahat
ng uri ng tsismis.
