Timbog ang dalawang hinihinalang drug personalities sa ikinasang buy bust operation ng mga operatiba ng Station Drug Enforcement Unit ng Northern Police District sa Valenzuela City, kamakalawa ng gabi.
Kinilala ang mga suspek na sina alyas “Jose Unying”, 57-anyos, residente ng Orchid St., C-4 Longos, Malabon City at alyas “Christopher”, 48-anyos, isang high value individual (HIV), pedicab driver ng Gulod St., Tugatog, Meycauyan, Bulacan.
Narekober mula sa dalawa ang humigi’t kumulang 35 gramo ng hinihinalang shabu na tinatayang ₱238,000 ang halaga, buy bust money, ₱700, coin purse, cellphone at isang motorsiklo.
Kasalukuyang nakakulong sa Valenzuela custodial facility ang mga suspek at kinasuhan ng paglabag sa RA 9165 o Comprehensive Dangerous Drug Act of 2002.
Related Posts:
About Author
