Natiyempuhan ng mga pulis ang isang notoryus na holdaper na naglalakad at nag-aabang ng mabibiktima sa kahabaan ng Macapagal Avenue, Pasay City.
Kinilala ang suspek sa alyas na “Romie”, 19-anyos.
Batay sa ulat ng Sub-station 10 ng Pasay City Police, dakong alas-8:15 ng umaga nitong Linggo nang madakip ang suspek sa pamamagitan ng Oplan Galugad/Mobile patrolling, makaraang may nag-tip na isang concerned citizen na nakita umano ang suspek na naglalakad na may dalang baril.
Tumakbo pa ang suspek nang makitang papalapit sa kanya ang mga pulis ngunit agad din siyang nakorner ng mga ito.
Nakuha kay alyas “Romie”, ang isang kalibre .38 na may serial number 773 488 na may anim na bala, isang itim na wallet na may iba’t ibang identification cards at ₱1,100 cash.
Inamin naman ng suspek na may kasama siya sa panghoholdap na si alyas “Jamil.”
Mahaharap sa kasong paglabag sa RA 10591 o Comprehensive Law on Firearms and Ammunitions Regulation Act at robbery/hold-up ang suspek.
Related Posts:
About Author
