Nasungkit ng isang mananaya mula sa Rizal ang jackpot prize na ₱56,638,411 sa Lotto 6/42 ng Philippine Charity Sweepstakes Office (PSCO).
Masuwerteng nahulaan ng bettor ang winning combinations na 38-20-19-04-16-40.
Nabili ang lotto ticket sa isang outlet sa Candelaria, Froilan P. Lotto outlet sa Pililla.
Wagi naman ng ₱24,000 ang 45 players, habang 2,323 mananaya naman ang nakakuha ng ₱800.
Samantala, nananatiling mailap sa mga mananaya ang ₱82,751,259 sa Ultra Lotto 6/58, gayundin ang ₱27,176,287.80 sa Super Lotto 6/49 matapos walang makakuha ng winning combinations.
Pinapayuhan naman ng PCSO ang mga mananaya na ingatan ang kanilang mga ticket at bumili lamang sa mga authorized lotto outlet.
