ILALABAS na ang desisyon ng pamilya ni Ronaldo Valdez kung kakasuhan nga nila ang
dalawang pulis na diumano’y nag-upload ng sensitibong video ni Valdez, matapos
itong matagpuang patay sa kanyang sariling silid.
Nakikipagpulong na raw sina Janno Gibbs, anak ni Ronaldo, sa kanilang counsel na si
Atty. Lorna Kapunan.
Nanatiling tikom ang bibig ni Janno magmula nang namatay ang kanyang ama — na
isang mapait na trahedyang sinapit ng pamilya — pati na rin ang pambabastos ng
ibang tao sa kanyang ama sa social media.
Naghihintay ang showbiz industry, pati na rin fans sa official statement in Janno na
malamang gagawin sa Miyerkules, Enero 17 — ang unang buwan ng aniversaryo ng
kamatayan ni Valdez.
Kaugnay nito, tinanggal na sa pwesto ng QCPD sina P/Sr. Master Sgt. Wilfredo Calinao
at P/Cpl. Romel Rosales, mga imbestigador sa kaso, na diumano’y nag-upload nang
sensitibong video sa social media.
Baka madamay din ang maraming iresponsable vloggers na nanira kay Janno at sa
pamilya Gibbs sa pamamagitan nang pagpo-post ng fake at malisyosong balita.
