NATAGPUAN na nitong Sabado ang katawan ng pasahero nang bumagsak na Piper plane sa
may bahagi ng Isabela noong Nobyembre.
Nakita ng K-9 rescue team ang katawan ng babae halos 200 metro ang layo mua sa actual crash site sa Barangay Casala, San Mariano, Isabela, ayon sa ulat ng Incident Management Team (IMT).
Naniniwala ang IMT na ito ang katawan ni Erma Escalante, ang barangay health worker ng
Palanan, ang nag-iisang pasahero ni Capt. Levy Abul II, piloto.
Natagpuan ng isang Beagle tracking dog mula sa AK9 Mandog Society ang biktima malayo sa Piper plane na may tail number RP-C1234.
Bago pa ito, nauna nang nakita ang bangkay ng piloto nitong Disyembre 7.
Samantala, dinala kaagad ang bangkay nitong alas-dos nang tanghali sa Tactical Operation
Group 2 ng Philippine Air Force (PAF), at diretsong dinala sa Palanan, Isabela.
Related Posts:
About Author
