Patuloy ang pamamahagi ng Valenzuela local government unit ng aguinaldo para sa mga residente, kung saan, aabot na sa kabuuang 67,061 senior citizens ang nakatanggap ng Christmas package gift pack.
Pinangunahan ni Mayor Wes Gatchalian ang ‘Pamaskong Handog para kina Lolo’t Lola’, kasama ang mga city official sa pag-ikot sa 33 barangays ng lungsod upang personal na mamigay ng gift packs at batiin ang mga lolo at lola.
Ang ipinamimigay na custom-made hand-carry bag ng LGU ay gawa ng mga mananahi ng Disiplina Village Lingunan and Bignay, isang livelihood association ng kababaihan, na naglalaman ng dalawang kilo ng bigas, isang kahon na may lamang canned goods, at spaghetti package.
Nabatid na taun-taong ginagawa ng Valenzuela LGU ang ‘Pamaskong Handog para kina Lolo’t Lola,’ na layong magbigay saya sa senior citizens ng lungsod.
Related Posts:
About Author
