80-anyos na lolo, arestado sa pagpatay sa isang parking boy

Naaresto na ng mga tauhan ng Marikina City police ang isang 80-anyos na lolo na wanted sa pagpaslang sa isang parking boy noong 2022.

Isang taong nagtago ang suspek na si Reynerio del Rosario sa Nueva Ecija, kung saan agad na isinilbi ng mga awtoridad ang warrant of arrest para sa kasong murder nitong Miyerkules ng gabi.

Batay sa ulat mula sa tanggapan ni Eastern Police District Director, PBGen. Wilson Asueta, napag-alaman na may mga kaanak sa naturang lalawigan ang suspek na maaaring tinutuluyan nito, kung saan, base sa intelligence gathering, ay doon nga ito nagtatago.

Nabatid na isang cigarette vendor sa Marikina ang suspek at sinabi nito na napatay niya ang parking boy dahil lagi umano siyang binu-bully.

Nahaharap sa kasong murder ang suspek at pansamantalang nakadetine sa Marikina Police Station.

About Author

Show comments