Walong modern patrol vehicles ang natanggap ng Caloocan City Police Station (CCPS) mula sa inisyatibo ni Mayor Dale Gonzalo “Along” Malapitan.
Ito’y upang magamit sa agarang pagresponde sa krimen, gayundin sa anti-crime projects.
Malugod namang tinanggap ni PCol. Ruben Lacuesta ang mga mobile patrol at nagpasalamat sa patuloy na pagsuporta ng alkalde sa CCPS.
Nangako naman si PCol. Lacuesta na kanilang pagbubutihin ang serbisyo para labanan ang mga masasamang loob at krimen.
Kasabay ito, pinarangalan ni Mayor Malapitan ang city police dahil sa magandang performance ng mga ito at nangako rin ito na magbibigay ng assistance sa mga pulis para sa kapakanan ng mamamayan.
