Arestado ang dalawang tulak, kabilang ang isang construction worker at kasabwat nito sa pagbebenta ng illegal na droga matapos makuhanan ng P100-K halaga ng shabu sa ikinasang buy bust operation, kamakalawa ng gabi sa Binangonan, Rizal.
Nakilala ang dalawang tulak na sina alyas Jessy, 40-anyos, construction worker at Alyas Payat, 18-anyos, kapwa residente ng Binangonan, Rizal.
Inaresto ang dalawa bandang 10:30 Sabado ng gabi sa kahabaan ng Sitio San Valentine St. Brgy Pantok Binangonan, Rizal matapos ang isinagawang buy bust operation ng Binangonan Municipal Drug Enforcement Team (MDET).
Aabot sa anim na pakete ng shabu na nasa 18 gramo at nagkakahalaga ng P124,200.00) ang nakumpiska sa mga suspek, kabilang ang isang piraso ng 500 peso bill bilang buy-bust money, limang piraso ng P100 peso bill bilang confiscated money, isang unit ng cellphone at coin purse.
Kapwa kinasuhan ng paglabag ng R.A 9165 o Comprehensive Dangerous Drugs Act of 2002 ang mga suspek at kasalukuyang nakakulong sa Binangonan Custodial Facility para sa tamang disposisyon
Related Posts:
About Author
