TULONG!
Ito ang mensahe ng beteranang aktres na si Daria Ramirez kay Master Henyo, Joey de
Leon na dati niyang asawa.
Anak nila sina Keempee at Cheenee de Leon, at kasal ang mga magulang nito.
Sa isang interview ng artista at vlogger na si Ogie Diaz nitong Lunes, inilahad ni Daria na
gipit na gipit siya ngayon, kaya naglakas-loob siyang humingi ng tulong sa dating asawa.
Panawagan ni Daria, “Don De Leon, baka naman, ano siguro naman nararamdaman mo,
hindi mo lang pinapansin. Kailangan ko ng tulong mo… Hindi lang masabi ng mga anak
natin dahil ayaw nilang gumitna.”
Nilinaw ni Ogie na tulong pinansiyal ang kailangang ni Daria, dahil obviously, wala siyang
trabaho.
Sinabi pa ni Daria, “Every day iniisip ko, kanino na naman kaya ako lalapit para
makabayad ng ganito, ng gano’n…Baka naman [Joey]. Sana man lang maramdaman mo
na naging bahagi rin naman ako ng buhay mo.”
Sinabi pa ni Daria kay Joey na sana magpa-annul na sila para maging legal na ang
pagsasama nila ni Eileen Macapagal.
Hindi pa rin malinaw kung annulled na nga ang kasal nina Daria at Joey, dahil wala naman
natatanggap na balita si Daria tungkol dito.
Samantala, naungkat tuloy ang serye nang sama ng loob ni Kempee sa isang taong hindi
niya pinangalanan na hindi man lang daw inaalam kung buhay pa siya. Kahit hindi nito
sinabi sa social media posts, malamang na ang amang si Joey ang binanggit ni Kempee,
na diumano, walang pakialam sa kaniya.
Ikinasal sina Joey at Eileen noong Marso 2018 at nagkaroon ng tatlong anak, sina Jocas
Eightria, Jako Raphaelle, at Jio Sebastian.
Ayon sa Pep.ph, kabilang daw sa mga hinihiling ni Daria sa ex-husband ay ang matitirhan
at monthly allowance lalo pa’t wala raw siyang steady income.
Ayon sa ilang fans ng E.A.T., dapat daw bigyan nang tulong-pinansiyal ni Joey ang
kanyang ex dahil milyon-milyon naman ang kinikita nito bawat taon.
