HINDI natuloy ang concert nina Julie Ann San Jose, Rayver Cruz, at Boobay sa Tel Aviv Israel
kamakailan, dahil sa pagsiklab ng kaguluhan.
Mayroon sanang concert ang tatlo na Luv Trip Na, Laff Trip Pa, nitong Sabado, Oktubre 7 sa
Smolarz Auditorium at Tel Aviv University, pero agad na kinasela dahil sa pag-ulan ng mahigit
sa 5,000 rockets mula sa Gaza Strip, mula sa Hamas terrorists.
Nagpasalamat nang husto si San Jose at ang kanyang dalawang kasama para sa lahat nang
nagdasal para sa kanilang kaligtasan.
Ayon sa GMA-7, “In light of the recent reports we have received from Tel Aviv, Sparkle’s
management would like to announce that Julie Anne San Jose, Rayver Cruz, Boobay, and the
Sparkle Team, who are currently in Israel for a concert, are all safe.”
Samantala, ligtas na nakabalik ang tatlo sa Clark International Airport nitong October 9, pati na
rin ang buong production staff ng Luv Trip Na, Laff Trip Pa concert.
“Maraming salamat po ulit sa lahat ng inyong mensahe at dasal para sa aming kaligtasan…Our
hearts go out to our kababayans. Everyone in the Middle East and the other parts of the world
who are suffering from this conflict. We continue to pray for peace. We pray for the world,”
saad ni Julie Anne.
Ayon pa kay Julie Anne, sobrang natakot daw sila sa nangyari (lalo na nitong Oktubre 7), dahil
first time nilang nakaranas nang ganitong sitwasyon na kung saan, nanganib ang kanilang
buhay.
Dahil sa pagkansela ng concert, labis na nalungkot at nanghinayang ang buong grupo.
