NAG-VIRAL kamakailan sa social media ang panghawi ng marshal ni Pia Wurtzbach kay
National Artist for Film and Broadcast Ricky Lee.
Nangyari ito kamakailan sa launching ng aklat na Queen of the Universe sa Manila
International book Fair sa SMX Convention Center, Pasay City.
Makikita sa nag-viral na video na si Pia ay naglalakad papuntang stage habang napaliligiran
nang security team.
Akmang kakamayan si Pia ni Lee nang biglang hinawi ang kamay nito, kaya napahiya ang 75-
year-old na national artist.
Mariing binatikos dito si Wurtzbach ng maraming netizens lalo na ang senior citizens na
nakapanood sa pambabastos nang nasabing marshal.
Ayon sa ilang netizens, hindi ito ang unang pangyayari na nanghawi at nambastos ang ilang
marshals na kung minsan ay nanunulak o nakasasakit pa.
Nag-sorry daw si Pia kay Lee pero hindi malinaw kung pinagsabihan niya ang sangkot na
marshal.
Sinabi ni Boy Abunda na hindi raw ito kasalanan ni Wurtzbach at humingi na nang tawad sa
nangyaring ito.
Dagdag pa ni Abunda, “So, naayos na ito pero leksyon ho sa atin dahil importante na tinatrato
ho natin – well, number one, seniors, at number two, this was a book fair, this was a cultural
event (for the public).”
