Doble-doble na ang kasong kinahaharap ng isang 40-anyos na lalaki na kabilang sa listahan ng Most Wanted Person matapos hainan ng warrant of arrest habang nasa loob na ng kulungan para sa panibagong kaso, kahapon sa Valenzuela City.
Pinarangalan ni Northern Police District (NPD) Director PBGen. Rizalito Gapas si Valenzuela City Police Station (VCPS) chief PCol. Salvador Destura, sa pagkakahuli sa Most Wanted Person.
Inaresto ang akusado na si Emilio Reyes y Cabonilas, residente ng Sampaguita St., Barangay Marulas, Valenzuela City.
Ayon sa report, nagsagawa ng manhunt operation and operational research on the Wanted Person ang mga tauhan ng Valenzuela Police sa pangunguna ni PLt. Ronald Bautista at hinainan ng Warrant of Arrest ang akusado bandang 4:25 Huwebes ng hapon sa loob ng Bureau of Jail Management and Penology (BJMP) Valenzuela City.
Ang warrant of arrest ay inisyu ni Hon. Mateo Altarejos, Acting Presiding Judge, Regional Trial Court, Branch 172, Valenzuela City na may petsang August 29, 2023, sa kasong Crime of Sexual Assault sa ilalim ng Article 266-A, paragraph 2 RPC in rel. to Sec. 5(B) of R.A. 7610 as amended by R.A. 11648.
Nabatid na ang akusado ay nakakulong na sa kostodiya ng BJMP at hinainan pa ng panibagong kaso.
Related Posts:
About Author
