Kulungan ang bagsak ng isang Irish national matapos na hindi magbayad ng kanyang bill na nagkakahalaga ng P23,479.50 sa pagkain at ininom na alak sa isang bar, kasabay nito ang pananakit pa sa isang bouncer, kahapon ng madaling araw sa P. Burgos Street, Barangay Poblacion, Makati City.
Nakilala ang suspek na si Fitzgibbon Adam, 30-anyos.
Ayon sa salaysay ng bouncer ng bar, nagwawala ang suspek sa loob ng bar sa sobrang kalasingan at nang kinuha na ang bill ay walang maibigay at nagsabing magwi-withdraw daw muna umano sa ATM kung kaya’t sinamahan ng bouncer.
Nang makarating na sila sa ATM ay biglang sinuntok ng banyaga ang bouncer sabay takbo na planong takasan talaga ang kanyang bill subalit naabutan siya ng bouncer saka dinala sa presinto.
Handa magsampa ng reklamo ang may-ari ng resto bar laban sa Irish national na kasalukuyang nakakulong sa Makati Police Station Custodial Facility.
Related Posts:
6 warehouse staff kulong sa QC
Bebot tinalo ng tropa sa inuman
Rommel Marbil ng “Sambisig” ’91, bagong hepe ng PNP
Karpintero naghabol ng taga sa Malabon
Bagong mga opisyales ng NCRPO Press Association inihalal
₱.5-M shabu nasabat sa 3 tulak sa Marikina
8 katao tiklo sa walang humpay na anti-drug ops sa Pasig
Obrero huli sa P102-K shabu
About Author
