NAKILAHOK ang daan-daang residente ng Barangay Caniogan ngayong gabi ng April 8, 2020 sa ‘Awit Pasasalamat’ na inihandog nila para sa mga bayaning frontliners na hanggang ngayon ay nagsasakripisyo upang maasikaso ang kalagayan ng iba pa na nag positibo sa coronavirus disease 2019 (COVID-19).
Pinangunahan ng kapitan ng barangay na si Kapitan Rey de Jesus at ilang tauhan ng barangay ang programa nitong alas-8 ng gabi na nilahukan naman ng iba’t ibang homeowners associations ng lungsod.
Naging mataimtim ang program sa pag-awit ng kanta ni Michael Jackson na ‘We are the World’ na nagsimula sa barangay hall hanggang sa mga tahanan ng mga taga-Caniogan.
Bukod sa awiting inihandog nila ay nagsindi rin ang mga residente ng Caniogan ng kandila at nagsuot ng puting tshirt sa kani-kanilang tahanan.
Related Posts:
About Author
