PATAY on-the-spot ang isang bicycle rider matapos masagasaan ng kasunod na SUV sa eastbound lane ng Shaw Boulevard, Brgy. Kapitolyo, Pasig City, kahapon, Hunyo 24, 2025 dakong alas 3:20 ng hapon.
Ayon sa ulat na natanggap ni PCol. Hendrix Mangaldan, chief of police ng Pasig City, kinilala ang biktima na si alyas “Raffy,” 36, residente ng Brgy. San Andres, Cainta, Rizal.
Sa inisyal na imbestigasyon ng Pasig PNP, isang Suzuki Carry ang umano’y ilegal na nakaparada na magbababa ng mga galon ng tubig kung saan bigla na lamang bumukas ang pintuan nito sa likod (tailgate) at sinakop nito ang bike lane.
Dahil dito, tinamaan ang kanang bahagi ng bisikleta at tumumba sa lane ng mga sasakyan ang biktima na siya namang parating ang isang Mitsubishi Montero Sport kung kaya nasagasaan nito si alyas “Raffy.”
Kapansin-pansin na sa ibang ulat na kumakalat online, umiwas umano ang siklista dahil sinakop na ng Suzuki Carry ang bike lane at lumipat ito sa outer lane kung kaya nasagasaan ito ng kasunod na humaharurot na SUV.
Inaresto ng mga pulis ang 39-anyos na lalaking driver ng Asian utility vehicle (AUV) na residente ng Brgy. Buting at isa pang 59-anyos na lalaking driver ng sports utility vehicle (SUV) na residente naman ng Brgy. Pinagbuhatan kapuwa ng Pasig City.
Kasalukuyang nasa custodial facility ng Pasig City Police Station ang dalawa at sasampahan ng kasong reckless imprudence resulting in homicide and damage to property sa Pasig City Prosecutor’s Office.
Related Posts:
Caloocan PNP, nakatanggap ng 8 patrol cars
₱4-M pera ng SK sa Pasig ninakaw, suspek tiklo
DOE, DPWH, pabilisin ang polisiya para sa ev charging stations -Gatchalian
Cash assistance, tax amnesty para sa rice retailers ng Marikina
2 high value tulak nasakote sa ₱476-K shabu sa Pasig
Libreng driving training, ikinasa ng Valenzuela LGU, Ford motors
Tibo na yaya tiklo sa kasong child molestation
34 TODA-Embo susuporta na sa Taguig
About Author
