Pinayuhan ni Mayor Vico Sotto ang mga botante sa Pasig City na kung hindi sila sigurado sa mga kandidatong iboboto ay mabuting piliin na lang daw ang kandidatong may pinakaunting nagastos sa kampanya ngayong Barangay at Sangguniang Kabataan elections.
Paliwanag ni Mayor Sotto na nasa alanganing ‘red flag’ na ang mga kandidato na gumastos ng malaki sa kanilang kampanya at hindi sinunod ang guidelines ng Commission on Election (Comelec).
“Tandaan po natin ‘yan ang pinakamalaking red flag sa mga kandidato, mula sa taas, mula sa national hanggang sa barangay level, ang pinakamalaking red flag sa mga kandidato ay ‘yung gumagastos ng ubod ng laki,” ayon kay Sotto.
Payo pa ng alkalde na magtalaga ng tamang tao na mamumuno ng kanilang barangay at hindi ang mga taong walang alam sa serbisyo publiko.
