BINAWIAN ng buhay kahapon si Ricky Rivero, sa edad na 51, dating teen star, TV at movie director.
Ito ay kinumpirma ng kanyang tiyo na si Phillip Salvador sa Philippine Entertainment Portal.
Noong nakaraang Mayo, na-stroke si Ricky at naratay sa Philippine Heart Center (PHC), Quezon
City. Nag-birthday siya rito noong Mayo 7, kasabay nang pagbibigay ng update sa social media
tungkol sa kanyang kundisyon.
“Slightly paralisado pa rin (ang) kaliwang bahagi ng katawan ko at di pa ako nakakalakad,” ani
Ricky.
Unang naospital si Ricky sa PHC noong Agosto 2015 dahil sa heart attack. Agad siyang isinailalim
sa angioplasty procedure.
Ang angioplasty ay isang operasyon sa puso para paluwangin ang blood vessels o mga ugat sa
puso na sumikip (sa loob) dahil sa taba at cholesterol.
Sumikat si Ricky sa That’s Entertainment ni German Moreno sa GMA-7, mula Enero 1986 – Mayo
1996.
Ilan sa mga showbiz projects ni Ricky ay The Amazing Praybeyt Benjamin, assistant director (AD),
2014; Maalaala Mo Kaya TV Series, AD, one episode, 2013; Rosaryo, AD, 2013; Kahit puso’y
masugatan TV Series, second unit director, 150 episodes, 2012, 2013; at Sa Paghilom ng mga
Sugat, Sino ang Tuluyang Magpapaalam?, second unit director, 2013.
Ibuburol ang mga labi ni Ricky sa Loyola Memorial Chapels sa Commonwealth Ave., Quezon City;
ipapa-cremate siya pagkatapos ng apat na araw na paglalamay.
