WALA nang makapipigil kay Aryanna, anak ni Claudine Barretto, sa pagpasok nito sa masaya,
magulo, at maintrigang mundo ng showbiz.
Tinawag ng ilang fans si Aryanna na Claudine Jr. dahil, kahit hindi siya biological daughter ng
aktres, may similarity daw siya sa kanyang mommy Claudine.
Kabilang si Aryanna sa cast ng Magic Hurts, ang pelikulang pagtatambalan ng newest, most
promising loveteam, sina Beaver Magtalas at Mutya Orquia. Si Gabby Ramos ang direktor.
Hindi nakarating si Claudine sa ginanap na press announcement kahapon, na kung saan, guest din
siya sa nasabing pelikula. Susunduin sana niya ang anak.
Ayon kay Direk Gabby, “Laging kasama ni Claudine ‘yung anak niya (sa kanyang projects) so dahil
kinukulit ko siya lagi, I saw na sobrang marunong siyang umarte kaya sabi ko (kay Aryanna), “next project kukunin kita”.
“Sinabi ko talaga kay Claudine na sana makuha ko ‘to at least sa unang pelikula ko,” aniya pa.
