OPISYAL na pinarangalan ni Commanding General Lt. Gen. Antonio Nafarrete ang mga nakatakdang magretiro sa serbisyo na mga opisyal at kawani ng Philippine Army.
Ito’y ginanap sa flag raising and retirement ceremony sa Headquarters ng Phil. Army sa Fort Bonifacio, Taguig kahapon Abril 13, 2026.
Kinilala ng hukbo ang ambag na kontribusyon sa organisasyon ng mga magreretiro na si Col. Belinda Ganotice; Civilian Human Resource Personnel na sina Ms. Josephine Flameras at Ms. Imelda Buela.
Mensahe ng Commanding General sa mga nag-retiro: “Nawa’y patuloy n’yong ibahagi ang inyong karanasan at pagpapahalaga sa anumang landas na inyong tatahakin. Nagretiro kayong may paggalang sa inyong mga kasamahan at sa Philippine Army.”
Kinilala rin ng Philippine Army ang mga mahahalagang pangyayari sa buhay ng mga opisyal, enlisted personnel at Civilian Human Resource habang sila ay aktibo pa sa serbisyo.
Habang tinapos umano ng mga ito ang kanilang serbisyo, buong puso nilang ginampanan ang kanilang mandato sa organisasyon, at pinaglingkuran ang sambayanan. (EDWIN ECHAGUE)
