KINUMPIRMA na rin sa wakas ng aktres na si Bea Alonzo ang bulung-bulungan: nobyo na nga niya si Vincent Co na presidente ng Puregold Price Club.
Sinabi ito ng aktres nang dumalo sila sa GMA Gala sa Marriott Hotel, at sa panayam ng GMA News, sinabi niya na, ‘Opo, boyfriend kop o siya. Pero gusto ko na maging pribado ang mga bagay-bagay.”
“Palagay ko naman na halatang-halata na dahil lagi kaming magkasamam at masaya po ako. ‘Yan lang po muna ang masasabi ko sa inyo,” dagdag pa ni Alonzo.
Nang tinanong kung bakit ngayon lang niya opisyal na sinabi, binanggit ng aktres na nais niyang maging tahimik muna kaugnay sa kaniyang personal na buhay.
Nais niya rin umanong igalang si Vincent lalo pa;t hindi ito mula sa showbiz.
“Naiintindihan ko po ang pananabik ng marami tungkol sa kumpirmasyon,” sabi ni Bea, “pero tingin ko ang mga magagandang bagay ay dapat na nasa kalagayang pribado.”
Huling naging karelasyon ni Alonzo ang aktor na si Dominique Roque kung saan umabot na sa engagement ang kanilang relasyon at patungo na sa kasalan ngunit ikinagulat na lang ng kanilang mga taga-suporta at ng showbiz world mismo na bigla na lang silang naghiwalay.
Nakikipag-date na ngayon si Roque sa aktres na Ilongga na si Sue Ramirez.
