LAGLAG sa kamay ng Antipolo City Police ang isang most wanted person na nakatala bilang Rank 2 Provincial level ang nakakulong ngayon dahil sa kasong panggagahasa sa isang menor de edad
Ang akusado ay nakilalang si Alyas Victor, 47-anyos, tricycle driver at resudente ng Antipolo, City.
Sa ulat mula sa tanggapan ni Rizal Police Provincial Office (RPPO) Director, PCol. Felipe Maraggun, ikinasa ang operasyon bandang 4:40 Miyerkules ng hapon sa Pinagmisahan St., Sitio White Cross, Brgy. Dela Paz, Antipolo, City.
Matagumpay na naaresto ang akusado sa bisa ng warrant of arrest para 4 counts of statutory rape case at walang inirekomendang piyansa para dito.
Kasalukuyang nakakulong sa Antipolo Custodial Facility ang akusado habang hinihintay ang pagdinig sa korte.
Samantala, pinuri naman ni Col. Maraggun ang mga tauhan ng Antipolo Police sa matagumpay na pagkakaresto ng akusado na isa lamang sa magandang resulta ng walang kapagurang pagseserbisyo at pagtutulungan ng kapulisan para sa mga kababayan sa Rizal.
