MALAPIT na uling mapanood sa TV ang misis ni Richard Gutierrez na si Sarah Lahbati sa adaptation ng pelikula ni Rudy Fernandez na Lumuhod ka sa Lupa.
Si Sarah ang magiging bidang babae sa parating ng programa sa TV5; makakasama niya rito sina Kiko Estrada at Sid Lucero.
Ang Lumuhod Ka Sa Lupa ay isang 1986 action film na pinagbidahan ng namayapang si Rudy Fernandez.
Kasama rin niya rito sina Eddie Garcia, Jackie Lou Blanco, Mark Gil at Ricky Davao.
Ang huling TV appearace ni Sarah ay sa action series na Iron Heart nitong Oktubre, na pinagbidahan ni Richard Gutierrez.
Matatandaang napaharap ang mag-asawa sa ilang tsismis nitong mga nakaraang buwan na sila ay maghihiwalay. Hindi ito kinumpirma ni Sarah, ni ang mister nito. Pero lalong umugong ang isyung hiwalayan dahil sa post ng nanay ni Richard na si Anabelle Rama tungkol sa isang “devil woman” na ayon sa ilang netizens ay diumano, tumutukoy kay Sarah.
Related Posts:
About Author
