Mahigit P2-M halaga ng shabu ang nasabat sa ikinasang buy-bust operation ng mga tauhan ng Philippine Drug Enforcement Agency (PDEA) na kung saan target ng Makati Police ang mga nakatakas na mga suspek, kamakalawa sa Xyris St.,Cor. Adelfa St, Brgy. Pembo, Makati City.
Ayon sa report ng pamunuan ng Makati City Police Station, nakatanggap sila ng tawag kaugnay sa pamamamaril sa isang lugar sa Brgy. Pembo.
Agad na nagresponde ang mga tauhan ng Comembo Police Substation at nalaman na isang hindi kilalang lalaki ang nagpaputok ng baril makaraang makatunog na may pulis sa nagaganap na buy-bust .
Nang matunugan na may PDEA operatives sa lugar, mabilis na nagsikalasan ang mga suspek at isang alyas Queendy ang nakapag-iwan ng Driver’s License sa inabandonang sasakyan.
Nakumpiska sa lugar ang tatlong knot-tied transparent plastic bags na naglalaman ng 300 gramo ng shabu na nagkakahalaga ng ₱2,040,000.00
Kasakuluyang nagsasagawa ng imbestigasyon ang pulisya para mahuli ang mga suspek.
