Putol ang kaliwang binti at nagtamo ng sugat at pasa ang isang 26-anyos na lalaki matapos ang ginawang pagtalon sa paparating na tren ng Light Rail Transit Line 1 (LRT-1) sa Blumentritt Station, Sabado ng umaga.
Sa report ng Department of Transportation (DOTr), naganap ang insidente bandang 6:30 ng umaga nang matagpuan na walang malay ang biktima matapos tumalon sa paparating na tren ng LRT-1.
Ayon kay Assistant Secretary for Railways Jorjette Aquino, mabilis na nag- emergency brake ang train operator nang makita na tatalon sa tracks ang biktima.
Dinala ang biktima sa pagamutan at nasa stable na ang lagay ngayon matapos na putulan ng binti dahil sa pagkakaipit sa riles ng tren.
Nagkaroon ng aberya sa biyahe ng mga tren at nag- full operation na bandang 6:44 ng umaga.
Kasalukuyang iniimbestigahan ang insidente kung sadyang tumalon ang biktima o itunulak.
Related Posts:
About Author
