Mga terorista, pinunit ang ating bandila?

“TERORISTA!” ito ang naisip ng ilan sa ating mga kababayan na nakasaksi sa pagpunit
sa bandila ng Pilipinas ng ilang Pakistani at Romanian nationals, kamakailan.

Nadismaya ang Bureau of Immigration (BI) nang nalaman nilang pinunit ng apat na
banyaga ang ating bandila.

“Dapat igalang ng lahat ng banyaga ang ating mga batas, lalo na ang bandila na
sumisimbolo ng ating bansa,” saad ni Bureau of Immigration Commissioner Norman
Tansingco sa isang opisyal na pahayag, kamakailan.

Sinabi niya na ang mga banyaga na gumagawa nang labis na pambabastos sa simbolo ng
ating bansa ay hindi karapatdapat sa ating hospitality”.

Ayon sa pulisya ng Ternate, Cavite, tatlong banyaga mula sa Pakistan at isa mula sa
Romania, ang kumuha, pumunit at nagtapon ng ating bandila noong Hunyo 26. Sila ay
hinuli ng pulisya matapos gawin ito.

Mahigpit na ipinagbabawal ng R.A. 8491 ang pagsira, pagpunit, paglukot, atbp. mga
gawaing naglalayong magdulot ng nang upasala o kahihiyan sa ating bandila.

About Author

Show comments