History repeats itself, pero sa pangarap lang at hindi sa totoong buhay.
Tila ganito ang nadarama nina Sharon Cuneta, anak na si KC at Gabby Concepcion sa kanilang Dear Heart concert, mahigit isang buwan na ang nakalilipas.
Kamakailan, naging emosyonal si Sharon sa isang interview sa programang Fast Talk with Boy Abunda, ito ay nangyari nang mapag-usapan nila ang relasyon niya sa anak na si KC, gayundin sa tila-fairy tale na pagsasama nila noon ng kanyang dating asawang si Gabby.
Dahil first time sila na muling nagkasama ng orihinal niyang pamilya, tumulo ang mga luha ni Sharon, nang dumating si KC sa rehearsal nila ni Gabby ng Dear Heart concert. Napagtanto rin niya na may mga pagkakataon na malungkot talaga ang pinagdadaanan ng bawat miyembro ng pamilya sa isang broken family.
“I feel for my daughter kasi kaya ako iyak nang iyak doon sa stage when she came kasi feeling ko, parang we lost so much [time together] — yung kaming tatlo… Kaming tatlo, Gabby, me, and KC.”
Habang pumapatak ang mga luha, nasambit ni Sharon,
“We could have not lost so much. We could have had a good life, the three of us, because Gabby and I were okay, but then things happened… “Up to now, it pinches me a lot kasi bilang nanay, kahit anong ibigay mo na
materyal na bagay, ang gusto ng bata, magkasama kayong magulang.”
Habang ipinalalabas sa screen ang maikling video nang pagyayakapan nilang tatlo sa Dear Heart concert, “Look at us, the three of us. That family should have remained a family. I did not imagine that that family would break up.”
Kahit may panghihinayang si Sharon — na natural lamang para sa isang ina, dahil sa pagkasira ng kanilang pamilya ni Gabby — masaya rin naman daw siya ngayon dahil sa pagkakaroon ng tatlo pang anak at asawang katulad ni dating Senador Kiko Pangilinan.
Kung hindi raw sila nagkahiwalay ni Gabby, “But then, I wouldn’t have Kakie, Miel, and Miguel. But that’s another thing,” pagtatapos ni Shawie.
Si Sharon ang bida sa Metro Manila Film Festival 2023 official entry na Family of Two (A Mother & Son Story).
Kabilang dito sina Alden Richards, anak ni Sharon; Miles de Ocampo, Jackielou Blanco, Tonton Gutierrez, Donita Rose, at Pepe Herrera. Umiinog ang kwenta sa single mother na si Maricar (Sharon) at anak nitong si Mateo (Alden).