Dinampot ng mga tauhan ng Pasay Police Sub-station 1 ang tatlong foreign nationals, kabilang ang dalawang Vietnamese at isang Chinese matapos ang ginawang pag-kidnap sa isang Vietnamese national na babae, kamakalawa sa Roxas Boulevard, Pasay City.
Nakilala ang mga suspek na sina Mai Ngoc Huyen, 24-anyos, female Vietnamese National, Tran Duy Anh ,26-anyos, male Vietnamese national at Wang Jie, 27-anyos, male Chinese National.
Nakaligtas naman kang biktima na si Nguyen Thi Ly, 29-anyos nang salakayin ng pulisya ang condo unit ng mga suspek
Ang pag-aresto sa mga suspek ay nag-ugat matapos magreklamo sa SubStation 1 ang boyfriend ng biktima na si Nicky Wang, Singaporean national dahil sa matapos nilang magbigay ng ransom sa mga suspek na nagkakahalaga sa P900,000 ay hindi pa rin pinakakawalan ang girlfriend nito na dinukot noon pang September 24 .
Agad na nagsagawa ng follow up operation ang Pasay Police bandang 3:00 Huwebes ng madaling araw sa Unit 22F, Gardens by the Bay, Roxas Boulevard at kasama ang Security Guard ng condo na si Michael Maglasang at pinasok ang unit at doon na nailigtas ang biktima at naaresto ang mga suspek.
Kasalukuyang nakakulong ang mga suspek sa Pasay detention cell at sinampahan ng kasong kidnapping.
