NAG-VIRAL kamakailan sa social media ang pagsibak kay PCol. Cesar Gerente, matapos itong
mag-positibo sa paggamit ng ipinagbabawal na gamot.
Sa opisyal na pahayag ni Interior Sec. Benhur Abalos, sinabi niya na sinusuportahan ng DILG o
Department of the Interior and Local Government ang pagsibak kay Gerente para malinis na ang
hanay ng pulisya sa drug-users.
Idinagdag pa niya na ang supresang drug-testing sa ating kapulisan ay kaugnay ng polisiya ng
ating pamahalaan na maging drug-free ang buong bansa at mapanatili ang pinakamataas na
standards sa hanay ng pulisya.
Binati ni Abalos si PCol. Mary Grace Madayag bilang bagong hepe o officer-in-charge ng
Mandaluyong.
Samantala, inutusan ni Abalos ang PNP na magsagawa ng mahigpit na pagsusuri o drug tests
bago magsumite ng pangalan bilang permanenteng kapalit ni Gerente.
Tiniyak ni Abalos sa publiko – lalo na ang mga taga-Mandaluyong – na ang DILG at lokal na
pamahalaan ay patuloy na magsisikap para magkaroon ng mapayapa at mas maunlad na
hinaharap.
