Masyadong desperado ang isang lalaki na nagresulta ng pagkalasug-lasog ng kanyang katawan at basag na bungo nang lumagapak ito matapos tumalon sa ika-12 palapag ng dormitory building ang umanoy nagkaroon ng kaalitan sa isang babaeng, kamakalawa ng hapon sa Sampaloc, Maynila.
Tinatayang nasa 30-anyos ang edad, katamtaman ang laki ng pangangatawan, may taas na hanggang 5’4”, nakasuot ng kulay itim na t-shirt na may tatak na “The Gamer”, kulay puting shorts at puting rubber shoes ang biktima.
Lumilitaw sa imbestigasyon ni PCMS Joseph Kabigting, ng Manila Police District (MPD)- Homicide Section, bandang 4:16 ng hapon nang maganap ang insidente sa 12th floor ng gusali ng isang dormitoryo na matatagpuan sa Earnshaw St. sa Sampaloc, Manila.
Ayon sa report ng dormitory security guard na si Almar Jundan,
biglang pumasok ang biktima sa dormitoryo at mabilis na nagtungo sa isang kuwarto sa mataas na palapag.
Sinabi pa nito na may pupuntahan lang siya sa itaas, at kaagad na sumakay ng elevator.
Sinundan ni Jundan ang biktima at dito niya nakita na may kausap itong estudyante na tila nag-aaway.
Nabatid na nagpalakad-lakad ang lalaki sa gilid ng gusali at bigla na lang tumalon at mabilis na lumagapak sa sementadong kalsada na agad na nitong ikinamatay.
Kasalukuyang iniimbestigahan ang kaso kung may naganap na foul play habang hindi na ipinalaam ang pagkakakilanlan ng biktima.